სლოვაკეთში გამართული საერთაშორისო კონფერენციის — „ავტომობილების ინსპექტირება ტექნოლოგიების ეპოქაში“ (Vehicle Inspection in the Age of Technology) ფარგლებში, საქართველოს ავტომობილების ინსპექტირების ცენტრების ასოციაციის პრეზიდენტი დავით მესხიშვილი CITA - ს (ავტომობილების ინსპექტირების საერთაშორისო კომიტეტის) პრეზიდენტს, გერჰარდ მიულერს შეხვდა.

სამუშაო შეხვედრაზე მხარეებმა ტექნიკური ინსპექტირების გლობალურ გამოწვევებზე, საერთაშორისო პრაქტიკასა და დარგში თანამედროვე ტექნოლოგიების ინტეგრირებაზე იმსჯელეს. CITA-ს პრეზიდენტი დეტალურად დაინტერესდა საქართველოში მიმდინარე რეფორმითა და არსებული სტატუსით.

„გერჰარდ მიულერთან შეხვედრა ძალიან მნიშვნელოვანი იყო, რადგან ვიმსჯელეთ ტექნიკური ინსპექტირების მნიშვნელობაზე მსოფლიოსთვის და მისი განვითარების პერსპექტივებზე. ის დაინტერესდა საქართველოში ტექინსპექტირების მიმდინარე სტატუსით და რეფორმის გამოწვევებით. განსაკუთრებული ყურადღება გავამახვილეთ ტექინსპექტირების როლზე Vision Zero-ს მიზნის მიღწევაში, რაც გზებზე დაღუპულების 0 მაჩვენებელს ნიშნავს.“

— დავით მესხიშვილი.

David Meskhishvili, President of the Association of Vehicle Inspection Centers of Georgia, was a guest on the Georgian Public Broadcaster program “Business Partner.”

Topics discussed:

• Evaluation of the vehicle inspection reform
• Challenges in the vehicle inspection sector

Compared to last year, the number of visits to vehicle inspection centers has increased by 15%.

Despite the improved statistics, the vehicle inspection sector still remains faced with challenges.

GVIBA-ს პრეზიდენტი დავით მესხიშვილი ტელეკომპანია პალიტრას ეთერში, გადაცემა თქვენი დრო.

თემები:

• ტექ-ინსპექტირების მნიშვნელობა საგზაო უსაფრთხოებაში
• ტექ-ინსპეტირების სფეროს გამოწვევები

საქართველოს ავტომობილების ინსპექტირების ცენტრების ასოციაციის პრეზიდენტი დავით მესხიშვილი ოფიციალური მიწვევით სლოვაკეთს ესტუმრა, კერძოდ TESTEK-ის ხელმძღვანელს ბატონ მარიან რიბიანსკის. 

დავით მესხიშვილი: "ჩემი სტუმრობა სლოვაკეთში ძალიან ღირებული იყო პროფესიული თვალსაზრისით. ადგილზე დეტალურად გავეცანი TESTEK-ის საქმიანობას — მათ მიერ შექმნილ IT სისტემებს, ტექნიკური ინსპექტირების მონაცემების შეგროვებისა და გამოყენების პრაქტიკას, რაც ხელს უწყობს ინსპექტირების ხარისხის გაუმჯობესებას და ეფექტურ ზედამხედველობას, მათ შორის თაღლითობის პრევენციასაც. გარდა ამისა, მქონდა შეხვედრა SEKA-ს წარმომადგენლებთან — ეს არის სლოვაკეთის უწყება, რომელიც პასუხისმგებელია ავტომობილების ემისიების კონტროლსა და ქვეყნის ჰაერის ხარისხის გაუმჯობესებაზე. მათთან შეხვედრამ კიდევ ერთხელ დამარწმუნა, რამდენად მნიშვნელოვანი და გადამწყვეტია ტექნიკური ინსპექტირების სისტემა ეკოლოგიური პოლიტიკის წარმატებისთვის.

ყველა ეს უწყება ახორციელებს მონიტორინგს იმისთვის, რომ ტექნიკური ინსპექტირების პროცესი იყოს მიუკერძოებელი, გამჭვირვალე და ეფექტიანი. მუდმივი მონიტორინგი მნიშვნელოვან როლს ასრულებს სისტემის სანდოობისა და ხარისხის უზრუნველსაყოფად".

საქართველოს ავტომობილების ინსპექტირების ცენტრების ასოციაციის პრეზიდენტი დავით მესხიშვილი საქმიანი ვიზიტით ეწვია სლოვაკეთს, სადაც შეხვდა ჟილინას უნივერსიტეტის „ტრანსპორტისა და კავშირგაბმულობის ოპერაციისა და ეკონომიკის ფაკულტეტის“ დეკანს, პროფესორ მილოშ პოლიაკს (prof. Ing. Miloš Poliak, PhD).

შეხვედრის ფარგლებში დეტალურად განიხილეს ტრანსპორტის დარგში არსებული თანამედროვე სასწავლო პროგრამები და ინოვაციური ტენდენციები. აღინიშნა, რომ განსაკუთრებული ყურადღება ეთმობა ხელოვნური ინტელექტის ინტეგრაციის სწავლებას ტრანსპორტისა და ლოგისტიკის სექტორში. შეხვედრაზე ხაზგასმით ისაუბრეს საქალაქთაშორისო საზოგადოებრივი ტრანსპორტის სფეროში არსებულ გამოწვევებზე, რის ფარგლებშიც პროფესორმა პოლიაკმა ქართულ მხარეს გაუზიარა სლოვაკეთის პრაქტიკული გამოცდილება.

განსაკუთრებული ყურადღება დაეთმო ავტომობილების ტექნიკური ინსპექტირების თანამედროვე სასწავლო პროგრამებს და ამ კუთხით აღჭურვილი ლაბორატორიების მნიშვნელობას. ჟილინას უნივერსიტეტის წარმომადგენლებმა გამოხატეს მზადყოფნა ითანამშრომლონ საქართველოს ტექნიკურ უნივერსიტეტთან და დაიწყონ ოფიციალური შეთანხმების გაფორმებაზე მუშაობა, რაც საფუძველს დაუდებს ორ უნივერსიტეტს შორის ერთობლივ საგანმანათლებლო და სამეცნიერო საქმიანობას.

დავით მესხიშვილმა ასევე წარმატებით გაიარა სპეციალური პროფესიული სტაჟირება, რომელიც შედგებოდა შემდეგი თემებისგან:

• ჭკვიანი მობილობის სისტემები (Smart Mobility Systems),
• ტრანსპორტის თანამედროვე ტექნოლოგიები,
• ტექნიკური ინსპექტირების აკადემიური და პრაქტიკული საფუძვლები.

სტაჟირების პროცესში დავით მესხიშვილი აქტიურად იყო ჩართული ტრანსპორტთან დაკავშირებული სასწავლო პროგრამების სტრუქტურაში და მონაწილეობა მიიღო ლაბორატორიულ სესიებში, რომლებიც მიზნად ისახავდა ავტომობილების ტექნიკური ინსპექტირების პროცესების სწავლებას.

საქართველოს ავტომობილების ინსპექტირების ცენტრების ასოციაციის პრეზიდენტი დავით მესხიშვილი ტელეკომპანია პალიტრას ეთერში, გადაცემა საქმე.

თემა: საგზაო უსაფრთხოების გამოწვევები და გაეროს კონფერენციის ახალი გზავნილები