კანონის თანახმად დაემატა მართვის მოწმობის „AM“ კატეგორია. მოგეხსენებათ, 28 მარტამდე მოპედის სამართავად სპეციალური მართვის მოწმობა არ იყო საჭირო. ნებისმიერ პირს შეეძლო, შეეძინა და ემართა მოპედი. საკანონმდებლო ცვლილებით, დაწესდა ასაკობრივი ზღვარი და მართვის მოწმობის გამოცდის ჩაბარება სავალდებულო გახდა. მოპედის მართვის საშუალება ექნება პირს, რომელსაც შეუსრულდა 16 წელი.

 

ასევე დამატებულია „A2“ კატეგორიის მართვის მოწმობაც, რაც გულისხმობს საშუალო სიმძლავრის მოტოციკლის ტარების უფლებას, რომლის აღება შესაძლებელია 18 წლის ასაკიდან.